Liverpool vazhdon të vuajë nga mungesa e Alexander Isak. Sulmuesi 26-vjeçar suedez, nënshkrimi më i shtrenjtë në historinë e futbollit britanik, me një transferim prej 150 milionë eurosh, ende nuk ka gjetur qëndrueshmëri në sezonin e tij të parë në Premier League me “reds”.
Në 20 paraqitje, ai ka shënuar deri më tani vetëm tre gola, përpara se një dëmtim në kyçin e këmbës dhe një frakturë në fibulë ta detyronin të dilte nga loja në dhjetor. Kur u pyet për rikthimin e sulmuesit, trajneri Arne Slot shpjegoi situatën rreth Isak.
“Alex u rikthye në fushë me këpucët e tij të vrapimit për herë të parë këtë javë, kështu që do të duhet pak kohë. Ai ndoshta do të jetë gati të ribashkohet me skuadrën rreth pushimit ndërkombëtar, për sa kohë që nuk ka dëmtime të tjera. Fundi i marsit, fillimi i prillit, pastaj do të shohim nëse ai mund të riintegrohet“, sqaroi Slot.
Megjithatë, kjo nuk do të thotë që Isak është gati të dalë në fushë: “Së pari ai duhet të punojë me topin, pastaj të integrohet në grup. Duhet kohë për t’u bërë përsëri konkurrues. Fatkeqësisht, nuk e kemi parë ende Alex në formën e tij më të mirë. Por rehabilitimi i tij po ecën mirë dhe duhet ta përgëzojmë lojtarin dhe stafin tonë mjekësor“.
The post Slot: Ende nuk e kemi parë në formën e tij më të mirë, në prill do të rikthehet pas dëmtimit appeared first on Telesport.
