Në Katalonjë, ku erdhi në formë huazimi verën e kaluar, Marcus Rashford po lë një kujtim të mirë, duke fituar si kohë loje ashtu edhe vetëbesim vetëm në pak muaj. Sulmuesi anglez është bërë një anëtar kyç i skuadrës së Barcelonës të Hansi Flick.
Pasi zgjodhi të largohej nga Anglia, 28-vjeçari ka gjetur qëndrueshmëri dhe performancë, duke lënë gjurmë në një sezon shumë pozitiv deri më tani. Shifrat flasin vetë: 10 gola dhe 13 asiste në 34 paraqitje gjithsej, me 1,970 minuta të luajtura, duke e bërë atë lojtarin e shtatë më të përdorur në fushë në skuadrën “blaugrana”.
Por e ardhmja e tij është ende një rebus. Barça ka një opsion blerjeje të vendosur në 26 milionë stërlina, një shifër që menaxhmenti do të donte ta rinegocionte. Megjithatë, Manchester United nuk është i gatshëm të bëjë tolerime në çmime, që e konsideron të ulët.
Flick, nga ana e tij, vazhdon të bëjë deklarata të guximshme: “Nuk janë vetëm golat dhe asistet që kanë rëndësi. Ai mund të na japë shumë më tepër. Jam i kënaqur, por ai ende ka vend për përmirësim.”
Vetë Rashford ka deklaruar se dëshiron të qëndrojë te Barcelona, por situata mbetet për t’u përcaktuar. Me kthimin e Michael Carrick në Old Trafford dhe largimin e Rúben Amorim, disa po spekulojnë për një rikthim, ndaj e ardhmja mbetet për t’u shkruar.
The post Barcelona kërkon ulje të çmimit për sulmuesin anglez, United kthen përgjigje të prerë appeared first on Telesport.
