Rio Ferdinand, legjendë e Manchester United dhe e kombëtares angleze, mbrojti Vinícius Júnior pas incidentit racist në Lisbonë dhe deklaroi se akte të tilla janë të papranueshme, madje “minjtë racistë” duhet të ndëshkohen. Ish-mbrojtësi anglez, sot komentator televiziv, publikoi një video në rrjetet sociale duke mbështetur lojtarin e Real Madridit pas sulmit të pretenduar racist nga Gianluca Prestianni i Benfica.
“Duhet fajësuar Vini? Që nuk duhet të festonte kështu? Po si? Është e papranueshme. Futbolli është sport i bukur. Pse e duam Roger Milla? Për mënyrën si festonte me tifozët. Po përpiqen të na marrin bukurinë e këtij sporti.
Këto mbeturina, këta minj që bëjnë komente raciste, duhet të ndëshkohen. Nuk duhet t’i mbrojmë, sidoqoftë kur një shok skuadre si Kylian Mbappé thotë se e dëgjoi. Goja mbulohet vetëm kur ke diçka për të fshehur. Është e neveritshme”, – shtoi Ferdinand, duke kërkuar reagim nga autoritetet. Në Benfica-Real Madrid 0-1, arbitri François Letexier aktivizoi protokollin kundër racizmit pas golit të Vinícius në minutën e 49-të.
The post Rio Ferdinand mbron Vinícius: E neveritshme, “minjtë racistë” duhet të ndëshkohen appeared first on Telesport.
