Edhe pse rinovoi për një kontratë afatgjatë deri në vitin 2035 me Athletic Club, Nico Williams mund të largohet nga klubi bask në verën e ardhshme. Për sulmuesin 23-vjeçar ka interes konkret nga PSG.
Luis Enrique e sheh anësorin spanjoll si profilin e duhur për ekipin e tij, në rast largimi të Ousmane Dembele ose Bradley Barcola. Po ashtu vetë lojtari duket se është bërë “pishman” për rinovimin me Athletic Club dhe tani po kërkon për një aventurë të re, te një ekip ku të ketë mundësinë të fitojë trofe si dhe të luajë në Champions League.
Verën e kaluar, Williams ishte shumë pranë transferimit te Barcelona, por në fund zgjodhi rinovimin me Athletic Bilbao. Mesa duket edhe këtë verë, Williams do të jetë sërish në qendër të merkatos. Përsa i përket shifrës për transferimin e mundshëm te PSG, pritet të jetë rreth 100 milionë euro, aq sa ëshë klauzola e tij e largimit e vendosur nga klubi bask.
The post Nico Williams bëhet “pishman”, spanjolli gati të largohet nga Bilbao por jo te Barcelona appeared first on Telesport.
