Benjamin Sesko beson se Manchester United ka mundësitë për të luftuar për një vend në Champions League. Ai ishte protagonist në barazimin 1-1 që “djajtë e kuq” arritën në kohën shtesë ndaj West Ham në ndeshjen e fundit në Premier League.
“E dinim se ishte një nga ato ndeshje ku asgjë nuk është e lehtë. Është diçka nga e cila duhet të mësojmë. Mendoj se të gjithë e donim fitoren, të gjithë po përpiqeshin të fitonin ndeshjen, të shënonin, të luftonin për njëri-tjetrin”, tha Sesko.
“Fatkeqësisht kjo nuk ndodhi, por të paktën morëm një barazim, gjë që është e rëndësishme në fund. Më vjen mirë që edhe një herë, mund ta ndihmoja ekipin duke u përpjekur të siguroja të paktën një pikë”, shtoi slloveni.
Më tej, ai tha: “Është një ndjenjë e mrekullueshme edhe për mua të di që mund ta ndihmoj ekipin në të gjitha llojet e momenteve. Natyrisht, pa shokët e mi të ekipit, nuk do të mund ta bëja. Kështu që mezi pres momente të tjera si ky.”
Një pikë do të thoshte se United mbeti i katërti dhe në rrugën e duhur për një rikthim në Ligën e Kampionëve, një arritje që dukej shumë e pamundur një muaj më parë nën drejtimin e trajnerit të mëparshëm Ruben Amorim.
“Ne jetojmë për njëri-tjetrin. Po bëjmë gjithçka për të fituar ndeshjet, për të siguruar një vend në Ligën e Kampionëve sepse besojmë. Ne kemi cilësinë dhe do të luftojmë për ta arritur atë. Tani duhet të presim ndeshjen tjetër dhe të përpiqemi ta fitojmë“, tha Sesko.
The post Sesko: Manchester United mund të shkojë në Champions League, jemi gati për betejën finale appeared first on Telesport.
