Tre persona janë lënduar nga dy aksidente trafiku të ndodhura sot në rrugën Prishtinë-Podujevë.
Kështu ka konfirmuar zëdhënësja e Policisë për rajonin e Prishtinës, Flora Ahmeti.
Në aksidentin e parë, një person mbeti i lënduar dhe mori trajtim mjekësor.
Rreth një orë më vonë, dy persona të tjerë mbetën të lënduar në një aksident mes dy veturave në këtë rrugë, konkretisht në Lluzhan.
“Personat e lënduar janë dërguar për trajtim mjekësor, ndërkohë që me rastin po merret njësiti i trafikut rajonal”, tha Ahmeti.
