Cristian Chivu, në konferencën për shtyp para ndeshjes ndaj Juventusit, foli për gjendjen e Nicolò Barella dhe Hakan Calhanoglu: “Po stërviten që nga e hëna, nuk kanë pasur probleme dhe janë në dispozicion”.
Duke kujtuar fitoren 4-3 në Torino, ai tha se tek Interi nuk ka kohë për të menduar shumë: “Duhej të shkonim menjëherë në Amsterdam, të merrnim rezultate dhe të jetonim ndeshje pas ndeshjeje, duke zgjedhur lojtarët e duhur. Djemtë e kuptuan menjëherë dhe jemi rritur”.
Për Luciano Spalletti shtoi: “Për mua është përmirësuar shumë, skuadrat e tij luajnë mirë, kanë identitet dhe ide. Është një trajner i zoti dhe model për t’u ndjekur nga trajnerët e rinj”.
Sa i përket përgatitjes për Inter-Juventus, Chivu theksoi se çdo ndeshje duhet trajtuar njësoj dhe se skuadra nuk duhet të vihet në presion: “Në ndeshje të tilla, për sa i përket motivimit, gjen gjithmonë diçka më shumë. Është një ndeshje e madhe dhe globale për atë që përfaqësojnë klubet”.
Për faktin që te Juventusi foli Locatelli, tha me humor: “I thashë Gigit të dërgonte Lautaron (qesh). Kur një skuadër ka shumë kompeticione është e vështirë që trajneri të dalë gjithmonë në konferencë, nuk ndryshon shumë për ne. Edhe unë do ta kisha ndarë këtë zgjedhje”.
Sa i përket agresivitetit të Juventusit: “Qasja është gjithmonë e rëndësishme. Juventusi është një skuadër hibride me shumë vertikalitet. Edhe nga goditja e fillimit i kanë vënë shpesh në vështirësi kundërshtarët. Duhet të jemi gati dhe të pranojmë që ndonjëherë dominimi i lojës kalon nga njëra palë te tjetra”.
Duke kujtuar rivalitetet si lojtar, ai shtoi: “Kam respekt për të gjithë. Nuk duhet t’i krijojmë presion vetes”.
The post Chivu para Juventusit: Të mos futemi në presion, Spalletti është model për trajnerët e rinj appeared first on Telesport.
