Deputetja e Britanisë së Madhe, Alicia Kearns, i ka bërë thirrje autoriteteve të shtetit të saj që të mos e largojnë vëmendjen nga Ballkani. Ajo ka thënë se kërcënimi i konfliktit në Ballkan mbetet gjithmonë i pranishëm.
Në një shkrim në “X” ajo ka ndarë një pjesë nga fjalimi i saj në Këshillin e Evropës. Aty ka bërë thirrje që bashkësia ndërkombëtare të angazhohet për Bosnjë të sigurt dhe të qëndrueshme.
“Kërcënimi i konfliktit në Ballkan mbetet gjithmonë i pranishëm. Javën e kaluar në Këshillin e Evropës i bëra thirrje bashkësisë ndërkombëtare të bashkohet dhe të angazhohet për një Bosnjë të sigurt dhe të qëndrueshme, të rrënjosur fort në bashkësinë e Evropës, aty ku meriton të jetë”, ka shkruar ajo në “X”.
The threat of conflict in the Balkans remains ever-present.
At the Council of Europe last week I urged the international community to come together and commit ourselves to a safe and stable Bosnia, firmly rooted in the community of Europe where it deserves to be. pic.twitter.com/rv8HxXlzQV
— Alicia Kearns MP (@aliciakearns) February 6, 2026
Kearns duke folur për situatën në Bosnjë e Herecegovinë, përkujtoi viktimat e gjenocidit në Srebrenicë dhe vlerësoi se paqja asnjëherë nuk duhet të merret si e mirëqenë.
Kearns ishte deputetja britanike që pati alarmuar se si në Kosovë po kontrabandoheshin armë nga Serbia dhe se ato po ruheshin në kishat ortodokse serbe. në korrik të 2023-s ajo pati thënë se transporti i këtyre armëve bëhet nëpërmjet autoambulancave.
E në shtator të po atij viti, si pasojë e një sulmi terrorist ishte vrarë në Banjskë të Zveçanit rreshteri Afrim Bunjaku. Nga këmbimi i zjarreve mes Policisë së Kosovës dhe grupit të armatosur ishin vrarë tre sulmues serbë.
Prokuroria Speciale tashmë ka ngritur aktakuzë ndaj 45 personave për këtë rast terrorist.
