Shprehja “penallti për Real Madridin” është kthyer nga një klishe radiofonike në “meme”, por statistikat e këtij sezoni në La Liga tregojnë një realitet konkret. Duke u kufizuar vetëm te sezoni aktual, Real Madridi ka përfituar 11 penallti: 9 të shënuara dhe 2 të humbur, ndërsa kundër tij janë akorduar vetëm 2 të tilla. Vetëm Getafe ka më pak, me 1 penallti kundër.
Këto 11 penallti pro janë pothuajse dyfishi i Barcelonës dhe Girona, që kanë nga 6 secila. Valencia, Sevilla, Celta dhe Mallorca kanë nga 5 penallti, ndërsa Elche dhe Getafe vetëm nga një. Penalltia e fundit, në fitoren 2-1 ndaj Rayo Vallecano, e shënuar nga Mbappé në minutat shtesë, u konsiderua e diskutueshme.
Gjatë sezonit, disa raste janë vlerësuar si të qarta, të tjera “bujare” ose polemizuese, përfshirë episodet ndaj Barça, Girona dhe Rayo. Debati mbi drejtësinë e vendimeve, pavarësisht VAR-it dhe profesionalizimit arbitral, mbetet i hapur.
The post Real Madridi, “mbreti” i penalltive. Ka ekzekutuar dyfishin më shumë se Barça në La Liga appeared first on Telesport.
