Juventusi zyrtarizon Boga: E kam ëndërruar që fëmijë këtë fanellë, mezi pres ta vesh

Juventusi i jep shtysë merkatos dimërore me goditjen surprizë, Jeremie Boga. Marrëveshja u arrit natën mes së shtunës dhe së dielës. Pas mbërritjes në Torino dhe vizitave mjekësore, klubi njoftoi zyrtarisht: “Jérémie Boga është lojtar i ri i Juventusit dhe vjen në huazim (me të drejtë blerjeje 5 milionë euro) nga OGC Nice deri më 30 qershor 2026”.

Ish-lojtari i Sassuolos rikthehet në Serie A me entuziazëm: “E kam ëndërruar këtë fanellë që fëmijë, mezi po pres ta vesh në ndeshje”. Boga është anësor ofensiv që sjell paparashikueshmëri dhe i jep frymëmarrje Yildiz. I rritur te Chelsea, u afirmua te Sassuolo (11 gola më 2019/20), më pas Atalanta dhe Nizza. Këtë sezon: 20 paraqitje, 2 gola, 2 asistime.

Juve synon edhe një sulmues qendror. Pista e Kolo Muani mbetet e hapur, por Tottenham s’ka dhënë ende dritën jeshile. Alternativat duken më tepër sugjerime; Zirkzee kushton shumë, Benzema pa konfirmim.

 

The post Juventusi zyrtarizon Boga: E kam ëndërruar që fëmijë këtë fanellë, mezi pres ta vesh appeared first on Telesport.