Bayern Munich dhe Inter po monitorojnë nga afër situatën e kapitenit të Arsenalit, Martin Ødegaard, duke përgatitur terrenin për një lëvizje të mundshme në merkaton e ardhshme. Mesfushori norvegjez ka qenë një nga figurat më të rëndësishme të “Topçinjve” vitet e fundit, duke udhëhequr skuadrën si në aspektin teknik, ashtu edhe në atë të lidershipit.
Ødegaard është kthyer në boshtin kryesor të projektit të Mikel Artetës, me paraqitje të qëndrueshme dhe ndikim të drejtpërdrejtë në lojën sulmuese të Arsenalit. Roli i tij si kapiten dhe kreativiteti në mesfushë e kanë bërë atë një nga lojtarët më të vlerësuar në Premier League, çka ka tërhequr vëmendjen e klubeve më të mëdha europiane.
Megjithatë, drejtuesit e Arsenalit ndodhen përballë presionit për të respektuar rregullat financiare, çka mund t’i detyrojë të shqyrtojnë çdo ofertë serioze që mbërrin në tavolinë. Nëse Bayern Munich apo Inter vendosin të bëjnë një propozim të majmë financiar, londinezët mund të gjenden përpara një vendimi të vështirë për të ardhmen e yllit norvegjez.
The post Bayern-Inter, nis gara për yllin e Arsenalit appeared first on Telesport.
