Nicolo Schira por edhe burime të tjera nga Italia, bëjnë me dije se nesër, të enjten, pritet të ketë një takim zyrtar mes përfaqësuesve të Interit dhe atyre të PSV-së për të vendosur për një rikthim të mundshëm ose jo të Ivan Perisic në Milano.
Kroati po përjeton një rini të dytë te kampionët holandezë, gjë që ka zgjuar interesin e madh të Interit. Klubi zikaltër e sheh Perisic, si lojtarin e duhur për t’u përforcuar në krah gjatë merkatos së janarit.
Propozimi i zikaltërve pritet të jetë për një huazim të thjeshtë deri në fund të sezonit. Deri tani dihet që Perisic ka dhënë “ok” e tij për t’u rikthyer te zikaltrit, ndërsa mbetet për t’u gjetur gjuha e përbashkët me PSV-në.
The post E FUNDIT: Nesër do të jetë takimi i madh, Inter përshpejton hapat për transferimin e radhës appeared first on Telesport.
