Mbrojtësi anglez Harry Maguire duket se është rikthyer protagonist te Manchester United me trajnerin e ri Michael Carrick. Ai e vlerëson shumë suksesin që “djajtë e kuq” arritën ndaj Arsenal në sfidën e fundit në Premier League.
“Është absolutisht një fitore e madhe. E dimë që ndeshja e parë nën drejtimin e Michael Carrick ishte derbi i Manchesterit në “Old Trafford”. Gjithmonë motivohesh për ato ndeshje dhe rezultate të tilla mund të ndodhin. Por e dinim se duhej ta mbështesnim ndaj Arsenal dhe ia dolëm mbanë”, tha Maguire.
“Folëm për këtë para ndeshjes me Arsenal dhe pati sukses. Michael Carrick ka ardhur dhe ka qenë i shkëlqyer me ne. Ai ka sjellë energji të freskët dhe grupi është galvanizuar vërtet. Natyrisht, dy ndeshje të vështira City dhe Arsenal, të gjithë ndoshta menduan se do të dilnim prej tyre me jo shumë pikë, por i fituam të dyja“, shtoi Maguire
Më tej, ai komentoi: “Padyshim, tani kemi një skuadër shumë më të madhe me kthimin e lojtarëve nga Kupa e Afrikës. Lojtarë si Matheus Cunha bëjnë diferencën. Ai hyri kundër City dhe ndryshoi lojën. Kjo thjesht tregon skuadrën e lojtarëve që kemi dhe talentin sulmues që kemi që mund të hyjnë dhe ta bëjnë këtë“.
The post Maguire: Fitorja ndaj Arsenal na ka motivuar, Carrick ka sjellë energji të re dhe mentalitet fituesi appeared first on Telesport.
