Kur dukej se karriera e tij si futbollist ishte mbyllur përfundimisht, Dani Alves po mendon sërish kthimin në fushë. Në moshën 42-vjeçare dhe pas gati tre sezonesh pa konkurruar, braziliani po vlerëson një kthim të shkurtër, teksa do ta marrë vendimin në ditët në vijim.
Sipas “A Bola”, alternativa është në Portugali. Alves mund të luajë për disa muaj me São João de Ver, skuadër e kategorisë së tretë, ku ai është bashkëpronar. Klubi do të luajë fazën e dytë të kampionatit me synimin për të mbijetuar dhe Alves do të ishte përforcimi më i bujshëm.
Ndryshime ka pasur edhe në stol. Një javë më parë u shkarkua trajneri João Nívea, vendim ku Alves pati rol. Me një trajner të ri, prania e tij do të ishte më e pranueshme.
Në mars, Alves u shpall i pafajshëm nga Gjykata e Lartë e Katalonjës, pas 14 muajsh në burg për përdhunim. Edhe pse së fundmi u pa si predikues në një kishë në Girona, ai nuk përjashton një aventurë të fundit futbollistike. Portugalia pret përgjigjen e tij.
The post Pas 14 muajsh burg, Dani Alves synon të rikthehet të luajë futboll në moshën 42-vjeçare appeared first on Telesport.
