Frika për Cristian Chivu zgjati vetëm pak minuta. Nga 2-0 i Moreos te golat radhazi të Zielinski, Lautaro dhe Pio Esposito, Interi e kishte përmbysur rezultatin në 3-2 që para pushimit. Pavarësisht fillimit zhgënjyes, ishte një mbrëmje për t’u mbajtur mend: fitore 6-2 ndaj Pisa dhe rikthim në +6 pikë ndaj Milanit, në pritje të ndeshjes së kuqezinjve me Romën.
Chivu foli për DAZN, duke bërë shaka me dhimbjet e shpinës: “U mbusha me injeksione dhe qetësues, nesër dua të jem i freskët për fëmijët”.
Për zëvendësimin Dimarco–Luiz Henrique në minutën e 34-t: “Një ndeshje zgjat 100 minuta dhe mund të përmbyset. E pësuam nga një kundërsulm, ku i bëmë gol vetes. Sommer? Mendoj se është faji im, kam kërkesa të caktuara për portierin dhe ndonjëherë e vë në vështirësi”.
Më pas reagimi: “Nxorëm në pah krenarinë, cilësinë dhe intensitetin tonë. Vlen qëndrimi dhe përgatitja mendore”. Vlerësim për Pio Esposito: “Gjithçka është meritë e tij. Ka dëshirë ta tregojë veten. Nëse gjërat shkojnë keq, faji është gjithmonë imi”.
The post Chivu: Nxorëm në pah krenarinë tonë. Sommer? Faji është imi që e vë në vështirësi appeared first on Telesport.
