Opinionisti Shenoll Muhmarremi thotë se ashtu siç po bien blloqet e KEK-ut, ashtu është dashtë me ra edhe LVV në zgjedhje.
Ai vlerëson se LVV ka qeverisur dobët, dhe duhej të pësonte rënie në zgjedhjet e fundit.
“Nëse i ka pas 42.3%, është dashtë në 30% me ra, se ashtu ka qeverisë. E cka po bëni ju? Të kundërtën. I keni thënë me vota, bravo, vazhdo lena pa energji e pa ekonomi se kështu kemi dëshirë me jetu. Po doni me qenë krenar, po të varfën. Me e ngritë kokën lart po doni, e këpucat i keni të grisura. Po doni me ndërtu pishinë në oborr, po kulmi po rrjedhë e themelet po rrezikohen. Po doni me jetu në terr, e mos me ua siguru bizneseve energjinë, e prapë me ua marrë taksat”.
Sipas tij, kjo situatë “i bjen si me mjelë lopën vazhdimisht e ushqim secilën ditë ma pak me i qit”.
“Një ditë munden me ngordhë edhe lopa, edhe me mbetë pa qumësht. As lopën as qumështin. Po çka me ju bë? Kështu po doni, kështu vazhdoni. Ndoshta edhe nuk po keni alternativa të mira”, thotë ai.
