Një 80-vjeçar është vënë në arrest shtëpiak pasi policia e kapi me 11 pako kokainë.
Pensionisti këmbënguli se ishte pikërisht ajo që i kishte kërkuar mjeku. I moshuari energjik pohoi më tej se sasia ishte për “shëndetin” e tij.
Një gjyqtar nga Gjykata e Qarkut të Splitit në Kroaci thuhet se ka urdhëruar arrest shtëpiak me monitorim elektronik për 80-vjeçarin që u kap javën e kaluar me 11 pako kokainë. Ai gjithashtu dyshohet se ka shitur një pako gjysmë grami të drogës.
Burri ka pretenduar se substanca e paligjshme e gjetur në shtëpinë e tij ishte për përdorim personal.
Për më tepër, ai tha se e përdorte drogën për arsye shëndetësore. Sipas përdoruesit të drogës, kokaina e bënte të ndihej “i rigjallëruar”, raportoi agjencia kroate e lajmeve Dalmatinski Portal, transmeton Klankosova.tv.
Megjithatë, ai thuhet se ka mohuar shitjen e drogës. Sipas lajmeve lokale, atij i është dhënë një pajisje monitorimi elektronike, e cila i është vendosur në këmbë.
Si rezultat, për muajin e ardhshëm, atij nuk i lejohet të dalë nga shtëpia. Për shkak të faktit se burri jeton vetëm, një fqinj do të duhet t’i dërgojë ushqim dhe gjëra të tjera të nevojshme.
