Një tjetër emër i ri ka dalë në skenë si përforcimi i mundshëm për mesfushën e Real Madridit për sezonin e ri. Bëhet fjalë Aleksandar Stankovic, i cili u largua nga Inter te Club Brugge për 9.5 milionë euro dhe tani po shkëlqen në Belgjikë.
“Defensa Central” zbulon se Real Madridi po e mban nën vëzhgim këtë futbollist premtues i cili po kalon një sezon të jashtëzakonshëm me Club Brugge. Deri më tani, 20-vjeçari ka bërë 30 paraqitje zyrtare për skuadrën belgu ku ka shënuar 3 gola dhe ka dhënë 2 asiste.
Emri i parë në listë vazhdon të jetë mesfushori i AZ Alkmaar, Kees Smit, por klubi holandez kërkon 60 milionë euro për të lënë të lirë 19-vjeçarin. Megjithatë, edhe transferimi i Stankovic është i ndelrikuar, duke ditur se Inter ka përfshirë një opsion blerjeje të Stankovic për 23 milionë euro, në marrëveshjen që arriti me Club Brugge verën e kaluar.
Po ashtu, ditën e sotme mediet italiane kanë bërë me dije se klubi zikaltër po mendon rikthimin e Stankovic si zëvendësuesin e mundshëm të Hakan Calhanoglu, në rast largimi të turkut.
The post Inter e largoi thuajse falas një vit më parë, tani e kërkon Real Madrid appeared first on Telesport.
