Arsenal ruan një epërsi prej 2 pikësh në renditjen e Premier League pas fitores 2-1 ndaj Brighton. Tri pikë vendimtare për “topçinjtë”, që duket se do të duelojnë deri në fund me Manchester City dhe Aston Villa për titullin.
“Një performancë bindëse, si individualisht ashtu edhe kolektivisht. Ne ishim dominues dhe të rrezikshëm gjatë gjithë ndeshjes, por rezultati duhet të kishte qenë shumë më i thellë për ne”, tha trajneri Mikel Arteta.
“Në Premier League, një incident është i mjaftueshëm për të ndryshuar gjithçka: gjuajtja e tyre e parë u shndërrua në gol, dhe më pas na u desh të mbështeteshim në një pritje të shkëlqyer nga David Raya“, shtoi spanjolli.
Arteta i kushton vëmendje dëmtimeve, e cila vazhdon të ndikojë në sezonin e Arsenal, ndaj ai thekson aftësinë e ekipit për t’u përshtatur me sfidat: “Para ndeshjes së fundit humbëm Timber e Calafiori në nxehmje dhe Declan Rice duhej të përshtatej me një rol që nuk ishte i tij”.
“Përgjigja e ekipit ishte e jashtëzakonshme, gjë që tregon se sa shumë lojtarët duan vërtet të fitojnë. Është një sezon shumë i vështirë, luajmë çdo tre ditë, por po ia dalim dhe duhet të vazhdojmë kështu“, tha Arteta.
Në fund, trajneri i Arsenal foli për betejën në krye: “Mund të kontrollojmë vetëm atë që bëjmë ne jo se çfarë bëjnë të tjerët. Po bëjmë shumë gjëra mirë, por ende duhet të përmirësohemi për të rritur diferencën tonë të sigurisë.”
The post Arteta: Në Premier League mjafton një episod për të ndryshuar gjithçka, diferenca me rivalët e vogël appeared first on Telesport.
