Presidenti i Fenerbahçe, një nga klubet kryesore sportive të Turqisë, Sadettin Saran, u arrestua në Stamboll në kuadër të një hetimi antidrogë që përfshin figura të botës së spektaklit dhe mediave. Sipas televizionit shtetëror TRT, Saran, shtetas turk dhe amerikan, u ndalua pasi testet forenzike zbuluan praninë e lëndëve narkotike në mostrat e flokëve të tij.
Ai e mohoi rezultatin, duke deklaruar se “nuk ka përdorur kurrë drogë” dhe se do të kërkojë zyrtarisht një test të ri. Javën e kaluar ishte thirrur nga prokurorët dhe kishte dhënë mostra flokësh e gjaku.
Hetimi, nën mbikëqyrjen e Prokurorisë së Përgjithshme të Stambollit, ka çuar që nga fillimi i dhjetorit në arrestimin e më shumë se një duzine personash, përfshirë prezantues TV, gazetarë, këngëtarë, aktorë dhe figura të rrjeteve sociale, të akuzuar për prodhim, trafik droge dhe favore ndaj prostitucionit.
I lindur në Denver dhe i zgjedhur president në shtator, Saran u mor në pyetje për “furnizim dhe favorizim të përdorimit të lëndëve narkotike”. Fenerbahçe shprehu mbështetje, duke deklaruar: “Kemi besim të plotë se presidenti ynë do ta kalojë këtë proces me të njëjtën gjakftohtësi dhe forcë shpirtërore”.
The post Skandal te Fenerbahçe, arrestohet presidenti i saj në një hetim antidr*gë appeared first on Telesport.
