Zërat që në qershor–korrik kishin trazuar ambientin zikaltër rreth së ardhmes së Hakan Çalhanoglut janë shuar gradualisht, por tema pritet të rikthehet. Mesfushori turk, i rikthyer protagonist me Cristian Chivu, pas një sezoni të kaluar me ndalesa fizike dhe formë të paqëndrueshme, mbetet një nga shtyllat e Interit, siç tregojnë numrat dhe pesha e tij në lojë.
Sezoni i fundit nuk ishte në nivelin e atij të titullit të yllit të dytë, pavarësisht golave të shënuar, 5 dëmtime ndikuan te vazhdimësia dhe shkëlqimi i paraqitjeve. Prandaj, kur u fol për një transferim te Galatasaray, klubi zikaltër nuk vendosi një “mur”, por kërkoi vlerësim të përshtatshëm.
Tani çështja bëhet strategjike. Çalhanoglu mbush 32 vjeç në shkurt dhe kontrata i skadon më 2027, duke hapur skenarin e mundësisë së fundit për monetizim. Interi duhet të zgjedhë mes rinovimit ose alternativave, edhe përballë interesimit të mundshëm nga Galatasaray dhe Fenerbahçe.
The post Inter-Çalhanoglu, gjithçka vendoset në 6 muaj. Rinovim ose shitje në verë appeared first on Telesport.
