Jamie Carragher ka lëshuar një paralajmërim të fortë ndaj Enzo Maresca, pas deklaratave të tij të fundit për Chelsea. Ish-mbrojtësi anglez beson se është vetëm çështje kohe para se italiani të largohet nga “Stamford Bridge”, duke ndjekur fatin e shumë paraardhësve që nuk i rezistuan presionit të klubit.
Komentet e Carragher vijnë pasi Maresca e quajti periudhën 48-orëshe para fitores 2-0 ndaj Evertonit si më të keqen e eksperiencës së tij në Londrën Perëndimore. Pas ndeshjes, trajneri deklaroi se ai dhe lojtarët nuk ishin ndier të mbështetur, një qëndrim që më pas nuk e sqaroi dhe as e zbuti.
I ftuar në “Monday Night Football”, Carragher i interpretoi fjalët e Maresca si një sulm të drejtpërdrejtë ndaj drejtuesve: “Nuk besoj se Maresca do të jetë trajner i Chelsea sezonin e ardhshëm. Kur del dhe flet për pronësinë në atë mënyrë, duke e bërë publike, është një problem i madh. Nuk e shoh këtu sezonin tjetër”. Ai shtoi: “Nuk ka asnjë paqartësi për kë e ka fjalën; pronarët dhe drejtorët sportivë”.
The post Carragher “vë bast” publik: Maresca nuk do të jetë trajner i Chelsea sezonin e ardhshëm appeared first on Telesport.
