Marcelo ishte një nga lojtarët që përpiqeshin ta ndalonin Leo Messin gjatë shumë klasikeve kur argjentinasi shkëlqente te Barcelona. Ata u përballën 33 herë në 15 sezone, me Marcelon të gjashtin lojtar që e ka ndeshur më shpesh, pas Sergio Ramos (44), Diego Godín (43), Benzema (41), Cristiano Ronaldo (36) dhe Jesús Navas (34). Rezultati ishte i favorshëm për Messin: 16 fitore, 7 barazime, 10 humbje; argjentinasi shënoi 24 gola, ndërsa Marcelo një.
Në një intervistë për “Marca”, Marcelo tha për duelet ndaj Messit: “E vështirë ta markoje, edhe sot e kërkoj. Ai është fantastik. Bisedoj shpesh me fëmijët e mi, sidomos më të vegjlit që shohin shumë video në rrjetet sociale. Djali i madh njeh shumë legjenda si Cristiano dhe Messi, ndonjëherë më pyet: ‘A ishte e vështirë?’ Unë i them: ‘Shiko videot, shiko nëse ishte e vështirë’. Ishte fat që luajta në këtë epokë të mrekullueshme”.
Ai kujtoi gjithashtu klasiket kundër Barcelonës nën Guardiolën dhe Mourinho: “Ishte rivalitet i mrekullueshëm. Na vrisnim në fushë, por gjithmonë me respekt, duke mbrojtur Realin dhe ata Barcelonën. Një periudhë që do të mbetet në histori”.
The post Marcelo: Fëmijët më pyesin nëse ishte e vështirë ta markoja Messin appeared first on Telesport.
