Real Madrid ka fituar 0-3 në transfertën ndaj Atheltic Bilbao në “San Mames”. Madrilenët gjetën avantazhin që në minutën e 7-të.
Pas një asisti të marrë nga Alexander-Arnold, i pari për të në La Liga, Kylian Mbappe tregon gjithë klasin e tij, duke marrë i vetëm topin pak më shumë se nga gjysma e fushës dhe pasi shmang bukur tre nga lojtarët vendas, dërgon topin në portën e Unai Simon. Me golin e shënuar sot, Kylian Mbappe ka barazuar rekordin e Cristiano Ronaldo të vitit 2012 me MË SHUMË gola në një vit kalendarik (61 gola).
Në minutën e 30-të, Alex Berenguer humbi një shans të artë për të barazuar shifrat, por Thibaut Courtois u tregua i jashtëzakonshëm me pritjen e tij. Në minutën e 38-të, Vinicius Junior humbet po ashtu një rats ideal për të dyfishuar shifrat.
Në minutën e 42-të, vjen goli i dytë i Real Madridit, pas një aksioni të gjatë dhe në fund Mbappe asiston me kokë, Eduardo Camavinga po ashtu dërgon me kokë topin në rrjetë. Pjesa e parë mbyllet 0-2 për madrilenët.
Në minutën e 59-të, Mbappe shënon një gol spektakolar me një goditje klasi nga distanca. Rezultati final, 0-3 për Real Madrid, që rikthehet te fitorja pas 3 barazimesh rresht dhe iu jep fund zërave për një shkarkim të Xabi Alonso-s, në rast se nuk do fitonte sot.
The post Shpëton Alonso, Real me fitore bindëse në një fushë tejet të vështirë. SUPER MBAPPE (video) appeared first on Telesport.
