Përveç VV-së, partitë e tjera të mëdha garojnë të vetme në zgjedhjet e 28 dhjetorit: Lista e plotë e subjekteve dhe koalicioneve

23 subjekte politike kanë aplikuar për pjesëmarrje në zgjedhjet e parakohshme për Kuvendin e Kosovës, prej të cilave 17 parti politike, 3 koalicione, 2 iniciativa qytetare dhe 1 kandidat i pavarur.

Afati për aplikim për certifikim të pjesëmarrjes në zgjedhje dhe për deklarim të koalicioneve kishte filluar më 24 nëntor, por pothuajse të gjitha subjektet politike kanë aplikuar në ditën e fundit të afatit, më 30 nëntor.

Zëdhënësi i KQZ-së, Valmir Elezi, ka bërë të ditur se Partia Demokratike e Kosovës, Lidhja Demokratike e Kosovës, Aleaanca për Ardhmërinë e Kosovës dhe Nisma Socialdemokrate, do të garojnë të vetme në zgjedhjet e 28 dhjetorit.

Ndryshe prej tyre do të garojë Lëvizja Vetëvendosje, e cila ka hyrë në koalicion zyrtar me tri parti tjera: GUXO, Alternativa dhe Partia Shqiptare Demokristiane (PSHDK).

Sipas njoftimit për media të KQZ-së, pak pas mesnatës, këto subjekte politike kanë dorëzuar aplikimin:

Koalicionet:

  1. Koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”;
  2. Koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV); dhe
  3. Koalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).

Partitë politike:

  1. LIDHJA DEMOKRATIKE E KOSOVËS – LDK;
  2. PARTIA DEMOKRATIKE E KOSOVËS – PDK:
  3. Kosovaki Nevi Romani Partia;
  4. JEDINSTVENA GORANSKA PARTIJA;
  5. Za Slobodu Pravdu i Opstanak;
  6. KOSOVA DEMOKRATIK TÜRK PARTISI;
  7. PARTIA LIBERALE EGJIPTIANE;
  8. PARTIA ROME E BASHKUAR E KOSOVËS;
  9. SOCIALDEMOKRATSKA UNIJA – SDU;
  10. SRPSKA LISTA;
  11. INICIATIVA E RE DEMOKRATIKE E KOSOVËS;
  12. FJALA;
  13. NOVA DEMOKRATSKA STRANKA – NDS;
  14. LËVIZJA PËRPARIMTARE E ROMËVE TË KOSOVËS (LPRK);
  15. ALEANCA PËR ARDHMËRINË E KOSOVËS (AAK);
  16. KOSOVSKI SAVEZ; dhe
  17. NISMA SOCIALDEMOKRATE – NISMA.

Iniciativat qytetare:

  1. PËR SOCIALDEMOKRATËT E ASHKALINJËVE; dhe
  2. INICIATIVA QYTETARE PËR KOSOVË.

Kandidatët e pavarur:

  1. NEDŹMIDIN SEJDILAR.