Supersfida e javës së 13-të mes Chelsea-s dhe Arsenal-it e luajtur në “Stamford Bridge” është mbyllur në barazim 1-1. “Blutë” e mbyllën pjesën e parë me një lojtar më pak, pasi Moises Caicedo la fushën e lojës në minutën e 38-të, për një ndërhyrje brutale ndaj Mikel Merinos dhe për arbitrin kryesor, Anthony Taylor, ishte direkt karton i kuq. SHIKOMOMENTIN
Pavarësisht se mungoi goli në 45 minutat e para, ka qenë një sfidë shumë e luftuar, gjë që e tregon edhe numri i lartë i kartonëve të verdhë, 4 për Arsenalin dhe një për Chelsea-n, përveç kartonit të kuq të Caicedo.
Pjesa e dytë nisi vrullshëm. “Blutë” gjetën direkt golin pas një goditjeje këndi nga Reece james dhe Trevoh Chalobah kërcen mbi mbrojtësit e Arsenalit dhe dërgon topin në rrjetë.
Barazimi i “Topçinjve” do të vinte në minutën e 59-të, Bukayo Saka jep një asist fantastik në zonë për Mikel Merinon, spanjolli “shkund” rrjetën me kokë. Rezultati mbeti i pandryshuar deri në fund dhe të dyja ekipet mjaftohen me nga një pikë. Arsenal ruan kreun me 30 pikë, Chelsea renditet në vendin e tretë me 24 pikë, një pikë më pak se Man. City i vendit të dytë.
The post Një karton i kuq dhe dy gola, Chelsea dhe Arsenal ndahen në paqe (video) appeared first on Telesport.
