Hykmete Bajrami, Nënkryetare e Lidhjes Demokratike të Kosovë, në një reagim pas postimit të Hekuran Muraatit se “opozita bllokoi shtetin” ka shtruar një sërë pyetjesh.
Por, në postim ajo gjithashtu bashkëngjiti bisedën e Shefes së Grupit Parlamentar të VV-së me Millan Radojçiqin.
Postimi i plotë:
Nuk ju kalon as MASHTRIMI I RI se për krejt çka ka ndodhë e çka s’ka ndodhë në këtë vend Albin Kurti nuk ka faj, anipse për 4 vjet i pat krejt nivelet e pushtetit, e që 1 vit i ka uzurpuar ato.
Kur ishin opozitë thoshin: “Kur të vijmë ne në Qeveri do bëjmë mrekullira….”
Sot, prej pesë vitesh, nga mëngjesi deri në mbrëmje përsërisin: “Na pengoj opozita, na bllokoj opozita”.
Po qysh mundet me ju blloku opozita?
Opozita është opozitë pikërisht sepse nuk i ka numrat, nuk e ka shumicën në Kuvend. Nuk është në Qeveri fare.
E qysh po ju bllokon?
Opozita nuk ju pengoi t’i ndërtoni 160 çerdhet.
Opozita nuk ju pengoi ta lironi çmimin e energjisë.
Opozita nuk ju pengoi ta hiqni TVSH-në nga produktet bazë.
Opozita nuk ju pengoi të ndërtoni rrugë magjistrale, disa të nisura që para 7–8 vitesh.
Opozita nuk e futi vendin nën sanksione.
As nuk bëri që SHBA-ja ta ndërpresë dialogun e planifikuar strategjik.
Opozita nuk ju detyroi të lidhni çdo ditë kontrata njëburimore. Opozita nuk e zhyti vendin në korrupsion.
Se kush doli i pari në zgjedhjet e 9 shkurtit, dhe kush e mbajti vendin të bllokuar për 9 muaj duke e çuar sërish në zgjedhje, qytetarët e dinë shumë mirë.
Mos i nënvlerësoni qytetarët!
Më 28 dhjetor, vendi çlirohet nga mashtruesit.
Ani kishe patriota!!!
