Policia ka njoftuar se gjatë kontrolleve të rregullta në fshatin Berberishte të Leposaviqit janë konstatuar pesë persona që posedonin gjashtë armë gjuetie pa leje.
Personat janë shoqëruar në stacionin policor të Leposaviqit, janë intervistuar pranë avokatëve dhe më pas janë liruar. Rasti është njoftuar te prokurori i shtetit, ndërsa armët janë sekuestruar dhe është iniciuar procedura për mbajtje, posedim ose kontroll të paautorizuar të armëve.
Si dëshmi janë sekuestruar:
- 5 pushkë gjuetie
- 1 pushkë karabine
- 86 fishekë (69 kalibër 12 mm dhe 17 kalibër 7.64 mm)
- 4 rrethatore për fishekë
- 2 fletë arme të RSFJ-së dhe 1 leje gjuetie të shtetit të Serbisë
Policia apelon te qytetarët që të mos ushtrojnë gjueti pa poseduar lejen e nevojshme, duke rikujtuar përkushtimin e saj në zbatimin e ligjit.
