Dëshira e fshehtë e trajnerit Hansi Flick nuk ka ndryshuar. Gjermani do një gjerman në mesfushë dhe i preferuari i tij është ylli i Bayern, Joshua Kimmich.
Flick mendon se mesfusha e Barcelonës ka nevojë për një lojtar me përvojë dhe karakter. Ndryshe nga paraardhësit e tij te Barcelona, ai nuk do një dirigjent para mbrojtjes, me aftësi teknike të mira me topin, por një “luftarak”.
Kimmich është në 3-4 vitet e fundit të karrierës dhe për të do të ishte epilogu perfekt. Barcelona gjithmonë mbetet një ëndërr për yjet e futbollit botëror. Me siguri, edhe për gjermanin.
Hansi Flick po guxon të ëndërrojë për blerjen e ish-lojtarit të tij, por problemi janë financat e Barcelonës. Kimmich te Bayern ka pagë 7,5 mln euro neto në vit, plus 2,5 mln euro të tjera në formë bonusesh.
The post Hansi Flick ka një “ëndërr gjermane”, por kushton minimalisht 7,5 mln euro në vit appeared first on Telesport.
