Kryetari i Lidhjes Demokratike të Kosovës, Lumir Abdixhiku, me anë të një postimi në Facebook, ka bërë të ditur se kanë vizituar strukturat në Prizren.
Ai së bashku me Driton Selmanajn, Anton Çunin, Festim Kabashin, e të tjerë anëtarë të LDK-së, kanë thënë se në Prizren gjetën vullnet e gatishmëri për t’u ngritur e për tu bashkuar.
E plotë:
Një takim me strukturat tona në Prizren, dhe një shetitje në këtë qytet të bukur që gjithmonë të jep energji e frymëzim.
Faleminderit të gjithëve që po e bëni LDK-në forcën e shpresës. Faleminderit për pritjet e ngrohta dhe për një ditë që na mbushi me gjallëri e besim. Le ta çojmë këtë mobilizim deri në festën e dhjetorit.
Sot pashë gjallërinë e një qyteti që flet kulturë e histori; një qyteti që e di rrugën e vet.
Por mbi të gjitha, sot pashë diçka të rëndësishme: gatishmërinë e njerëzve tanë për t’u ngritur, për t’u bashkuar, dhe për t’i dhënë vendit qeverisjen e dinjitetshme që e meriton.
