Me shpallen e datës së zgjedhjeve partitë politike kanë filluar përgatitjet për zgjedhjet e 28 dhjetorit. Deri me tani ato po shfaqin qasje të ndryshme në këtë parafushatë.
Derisa PDK-ja, LDK-ja dhe AAK-ja janë koncentruar në forcimin e “radhëve” të tyre me njerëz të ri që pritet të jenë në listat e tyre për deputet, VV-ja është fokusuar në thirrjet ndaj diasporës për t`u regjistruar për zgjedhjet e parakohshme të 28 dhjetorit.
Gjatë këtyre ditëve liderët e partivë të ish-opozitës pothuajse cdo ditë kanë prezantuar aderimet e tyre të reja, duke thënë se ato do të jenë vlerë e shtuar në listat e tyre zgjedhore.
Në prezentimin e cdo aderimi, Bedri Hamza, Lumir Abdixhiku dhe Ramush Haradinaj janë shprehur optimist për rezultatin e tyre.
Në anën tjetër, VV-ja vazhdimisht po i bënë thirrje diasporës që të regjistrohet sa më shpejt për procesin zgjedhore.
Madje për këtë qëllim zyrtarët e partisë në pushtet e kanë shfrytëzuar edhe 28 Nëntorin.
Donika Gërvalla, Albulena Haxhiu dhe Xhelal Sveçla dje nga Vlora kanë publikuar një video në rrjete sociale, ku kërkojnë nga mërgimtarët të regjistrohen për të votuar në zgjedhje.
Këtë qasje të partive e ka kritikuar drejtori i KDI, Ismet Kryeziu.
Ai ka bërë me dije se deri me tani partitë nuk kanë treguar diçka të re.
Në profilin e tij në “Facebook”, ai ka shkruar se kjo tregon se partitë nuk janë reformuar.
“Partitë politike në këtë parafushatë, edhe pse po shfaqin qasje të ndryshme, po tregojnë një të përbashkët: asnjëra prej tyre nuk po ofron shenjë të një reformimi të thellë politik dhe të domosdoshëm, një lëvizjeje reale nga pika ku ndodhemi sot”, ka shkruar ai.
Sipas tij, këto janë riciklime dhe improvizime.
“Riciklimi, importimi dhe centralizimi janë modelet që shihen te tre subjektet e mëdha, qasje që mbulojnë simptomat, por nuk prekin shkaqet. Për avancim të vërtetë politik, vendit i duhet lidership i ri, reformë programore dhe përgjegjshmëri e vërtetë, proces që nuk nis e as nuk mbaron me përpilimin e listave zgjedhore. Deri atëherë, riformatimi i listave mbetet vetëm një pamje e re mbi një politikë të vjetër”, ka shkruar Kryeziu.
