Aktualisht nuk ka plane që presidenti ukrainas, Volodymyr Zelensky të vizitojë Shtetet e Bashkuara, por asnjë mundësi nuk përjashtohet, kështu tha Ambasada Ukrainase në Uashington për Kyiv Independent.
Kjo përgjigje pasoi raportimet në median amerikane se Zelensky mund të vizitojë ShBA-në që këtë javë për të diskutuar përpjekjet e paqes me homologun e tij amerikan, Donald Trump.
Zelensky thuhet se ishte planifikuar të takohej me Trump për të diskutuar pjesët delikate të planit të paqes të mbështetur nga SHBA-ja, i cili ka shkaktuar reagime të ashpra për shkak të shtyrjes së kushteve që shihen si shumë të favorshme për Rusinë.
Propozimi fillestar prej 28 pikash u reduktua në 19 pika pas konsultimeve midis zyrtarëve ukrainas dhe amerikanë në Gjenevë dje.
