Völler “rilind” te Woltemade: “Të tilla krahasime më duken shumë qesharake”

Nick Woltemade po shfaqet si “9” që Gjermania kërkonte prej vitesh. Sulmuesi gjigant 1.98 m, tani te Newcastle, pas transferimit nga Stuttgart për 85 milionë euro, e ka shpërblyer besimin e Julian Nagelsmann.

Pas pesë ndeshjeve pa gol, madje i fishkëllyer, ai ka shënuar katër gola në tri ndeshjet e fundit me Gjermaninë: golin e fitores ndaj Irlandës së Veriut (0-1), një dopietë shpëtimtare kundër Luksemburgut (0-2) dhe një tjetër gol në 6-0 ndaj Sllovakisë, që vulosi kualifikimin në Botëror.

“Është kënaqësi të luaj për Gjermaninë dhe të shënoj. Shpresoj ta ruaj këtë nivel”, – tha ai. Krahasimet me Rudi Völler janë shtuar për shkak të ngjashmërisë fizike: “I kam parë, të tilla krahasime më duken shumë qesharake. Sportivisht është një nder, Rudi gjithmonë më mbështet”.

Völler vetë e ka “bekuar”: “Kënaqësi ta shohësh. Shënon, lidhet me lojën, është i çmuar”. Pas shpërthimit si golashënuesi më i mirë i Europianit U-21, Woltemade e quan vitin e fundit “të çmendur” dhe synon të vazhdojë rritjen drejt Botërorit 2026.

The post Völler “rilind” te Woltemade: “Të tilla krahasime më duken shumë qesharake” appeared first on Telesport.