Paul Scholes, legjendë e Manchester United, ka zgjedhur Juninho Paulista si brazilianin më të madh në historinë e Premier League, surprizues për ata që prisnin emra më të rinj dhe më mediatikë.
Juninho, ikonë e Middlesbrough, la gjurmë të thella në futbollin anglez me talentin dhe aftësinë për t’i ndryshuar ndeshjet me lojëra të paparashikueshme. Ai pati tri periudha te “Boro”, me 157 paraqitje, 34 gola dhe 26 asistime. Driblimi dhe goditjet nga distanca e bënë një nga lojtarët më spektakolarë të viteve ’90 dhe fillimit 2000.
Scholes tha: “Ishte i pabesueshëm, i paparashikueshëm…, si Messi. Nuk e dije kurrë çfarë do të bënte”. Juninho kontribuoi në fitoren historike të Kupës së Ligës 2003/04 dhe më pas luajti te Atlético Madrid dhe Celtic, ndërsa në Brazil përfaqësoi ekipe të mëdha si San Paolo, Flamengo, Vasco da Gama dhe Palmeiras. Për Scholes dhe tifozët e “Boro”, Juninho mbetet simbol i paharrueshëm i Premier League.
The post Braziliani më i mirë në historinë e Premier League? Scholes zgjedh një emër surprizë: “Ishte si Messi” appeared first on Telesport.
