Juventus zhgënjen sërish, vetëm 1 pikë në derbin ndaj Torinos

Juventus i drejtuar nga Luciano Spalletti ka zhgënjyer sërish, duke mos marrë më shumë se një pikë në derbin ndaj Torinos, pas barazimit 0-0.

Edhe pse bardhezinjtë dominuan lojën dhe krijuan më shumë volum loje, rastet e pastra munguan dhe ndeshja përfundoi me rrjeta të paprekura. Edon Zhegrova u fut në fushë në minutën e 64-të në vend të Conceicao-s, por pa arritur dot ndryshojë rezultatin.

Për Torinon, Ardian Ismajli e nisi titullar dhe ishte një nga më të mirët në fushë, ndërsa Kristjan Asllani luajti vetëm pjesën e dytë. Pas këtij barazimi, Juventus mbetet në vendin e 5-të me 19 pikë, Torino në vendin e 11-të me 14 pikë.

The post Juventus zhgënjen sërish, vetëm 1 pikë në derbin ndaj Torinos appeared first on Telesport.

Në prag të ditës së zgjedhjeve për rundin e dytë në Prizren, Lidhja Demokratike e Kosovës ka bërë thirrje për mobilizim të plotë të strukturave dhe mbështetësve të saj, në përkrahje të kandidatit për kryetar të Prizrenit, Shaqir Totaj, në kuadër të marrëveshjes së bashkëqeverisjes LDK–PDK. “Nesër është dita vendimtare për ta dëshmuar angazhimin tonë në kuadër të marrëveshjes së bashkëqeverisjes LDK–PDK, dhe për ta mbështetur z. Totaj për kryetar të Prizrenit,” thuhet në njoftimin e LDK-së. Subjekti ka kërkuar nga të gjitha strukturat që të jenë të pranishme dhe aktive gjatë gjithë ditës së zgjedhjeve. “Ju lusim që gjatë ditës së nesërme të aktivizoheni maksimalisht, të kontaktoni kryesitë e nëndegëve dhe përkrahësit tanë, dhe të sigurohemi që çdo votë e jona të jetë e pranishme dhe e numëruar,” theksohet në njoftim. Në fund, LDK ka përcjellë një mesazh të qartë për unitet dhe bashkëpunim: “Ky është momenti për angazhim dhe për fitore të përbashkët. Fitore✌️”

November 8, 2025