Sunderland është fantastik këtë sezon, Xhaka me shokë befasojnë Arsenalin në pjesën e parë (video)

Sunderland është padyshim surpriza më e bukur e këtij sezoni në Premier League. I rikthyer në elitë pas 8 vitesh, Sunderland i drejtuar nga francezi Regis Le Bris, që ishte mjaft aktiv në merkaton e fundit, duke bërë disa goditje cilësore, ka bërë deri tani një paraqitje fenomenale.

Në sfidën e vlefshme për javën e 11-të në Premier League, Sunderland e ka mbyllur pjesën e parë në avantazh 1-0 ndaj kryesuesve të Arsenalit. Goli i vendasve erdhi në minutën e 36-të, ku pas një topi të gjatë të nisur nga portieri Robin Roefs, dhe pasimit me kokë të Nordi Mukiele, ishte Daniel Ballard që dërgoi topin ne portën e mbrojtur nga David Raya me një goditje të bukur.

“Topçinjtë” kanë ende 45 minuta të tjera në dispozicion për të shpëtuar nga humbja, ndërsa Granit Xhaka me shokë do luftojnë të mbrojnë avantazhin e pjesës së parë dhe pse jo ta thellojnë atë. Duhet përmendur fakti që Sunderland është ekipi i parë që i shënon Arsenalit pas plot 9 ndeshjesh.

The post Sunderland është fantastik këtë sezon, Xhaka me shokë befasojnë Arsenalin në pjesën e parë (video) appeared first on Telesport.

Në prag të ditës së zgjedhjeve për rundin e dytë në Prizren, Lidhja Demokratike e Kosovës ka bërë thirrje për mobilizim të plotë të strukturave dhe mbështetësve të saj, në përkrahje të kandidatit për kryetar të Prizrenit, Shaqir Totaj, në kuadër të marrëveshjes së bashkëqeverisjes LDK–PDK. “Nesër është dita vendimtare për ta dëshmuar angazhimin tonë në kuadër të marrëveshjes së bashkëqeverisjes LDK–PDK, dhe për ta mbështetur z. Totaj për kryetar të Prizrenit,” thuhet në njoftimin e LDK-së. Subjekti ka kërkuar nga të gjitha strukturat që të jenë të pranishme dhe aktive gjatë gjithë ditës së zgjedhjeve. “Ju lusim që gjatë ditës së nesërme të aktivizoheni maksimalisht, të kontaktoni kryesitë e nëndegëve dhe përkrahësit tanë, dhe të sigurohemi që çdo votë e jona të jetë e pranishme dhe e numëruar,” theksohet në njoftim. Në fund, LDK ka përcjellë një mesazh të qartë për unitet dhe bashkëpunim: “Ky është momenti për angazhim dhe për fitore të përbashkët. Fitore✌️”

November 8, 2025