Zëdhënësja e Kompanisë Rajonale të Ujësjellësit “Prishtina”, Arjeta Mjeku, ka thënë se qytetarët e Drenasit po përballen me reduktime të ujit të pijshëm për shkak të turbullirës së ujit në kanalin Ibër-Lepenc.
Në emisionin “Fol me Arin”, ajo ka treguar se ka gjasa që problemi të zgjidhet sot dhe se janë duke punuar për rregullimin e tij.
“Krejt varet nga niveli i turbullirës së ujit në kanalin Ibër-Lepenc. Besoni, më keq ndihem kur më telefonojnë kur nuk kanë ujë,” ka thënë Mjeku.
