Zyrtarë izraelitë, megjithatë, po lobojnë tek administrata amerikane për të mos lejuar një rol aktiv të Turqisë në fazën e pasluftës.
Presidenti amerikan Donald Trump ka shprehur dëshirën që Turqia të luajë një rol të rëndësishëm në paqen dhe rindërtimin e Gazës pas përfundimit të luftës, duke lavdëruar përpjekjet e Ankarasë për të bindur Hamasin që të pranojë një armëpushim.
Sipas The Washington Post, Trump e ka cilësuar ndërhyrjen e Turqisë si “vendimtare” për arritjen e një ndalimi të përkohshëm të luftimeve dhe si model për bashkëpunim rajonal.
Zyrtarë izraelitë, megjithatë, po lobojnë tek administrata amerikane për të mos lejuar një rol aktiv të Turqisë në fazën e pasluftës në Gaza, duke argumentuar se lidhjet e Ankarasë me Hamasin mund të rrezikojnë sigurinë e Izraelit.
Burime diplomatike thanë për Washington Post se Izraeli po përpiqet të bindë Uashingtonin që çdo proces paqeje dhe rindërtimi të udhëhiqet nga partnerë “më neutralë” në rajon.
Turqia, nën drejtimin e presidentit Recep Tayyip Erdoğan, ka qenë një nga zërat më të fortë në mbështetje të çështjes palestineze.
Ankaraja ka ofruar ndihmë humanitare dhe ka deklaruar gatishmërinë për të kontribuar në rindërtimin e Gazës pas një marrëveshjeje të qëndrueshme paqeje.
Komentet e Presidentit Trump vijnë në një moment të ndjeshëm për diplomacinë amerikane në Lindjen e Mesme, teksa Shtëpia e Bardhë përpiqet të balancojë marrëdhëniet me aleatët izraelitë dhe me partnerët strategjikë si Turqia.
