Policia ka arrestuar një person në Fushë Kosovë, pasi dyshohet se ka shtënë me armë zjarri brenda një lokali. Ngjarja ka ndodhur rreth orës 00:45 të së shtunës, në rrugën “Dëshmorët e Lirisë.”
Sipas njoftimit të policisë, gjatë kontrollit tek i dyshuari janë gjetur dhe konfiskuar një pistoletë me katër fishekë, ndërsa në vendin e ngjarjes janë gjetur një gëzhojë dhe tre fishekë të tjerë.
I dyshuari, shtetas kosovar, është intervistuar në prani të prokurorit, i cili ka urdhëruar lirimin e tij në procedurë të rregullt.
Rasti është cilësuar si “armëmbajtje pa leje dhe shkaktim i rrezikut të përgjithshëm.”
