Në ditën kur Diego Armando Maradona do të mbushte 65 vjeç, pra 30 tetor, Napoli organizoi një festë për nder të legjendës së vet. Statuja e Maradonës, e krijuar nga Domenico Sepe, mori pjesë në procesionin “El Diego de la gente”, duke kaluar përmes rrugëve ikonike të qytetit.
Në orën 18:00, në sheshin “San Pasquale” u mbajt ceremonia publike “Te quiero Diego”, ndërsa në dyqanin e “Piazza Italia” u zhvillua eventi bamirës “La Mano de Dios”, për fëmijët e Fondacionit “Santobono Pausilipon”.
Në mëngjes, në “Auditorium Porta del Parco”, u mbajt konferenca me temën “Lo sport incarna l’anima”, e organizuar nga shoqata “El Dia de D10S” dhe e mbështetur nga Komuna Metropolitane. Dita përfundoi me marshime me qirinj në vendet simbol të Maradonës dhe një darkë dedikuar ushqimeve dhe ëmbëlsirave të tij të preferuara. Napoli përsëri e nderoi “mbretin” e vet të përjetshëm.
The post Napoli feston 65-vjetorin e lindjes së Maradonës; evente, art dhe përjetësim për “Pibe de Oro” (video) appeared first on Telesport.
