Është anuluar seanca ndaj tre të akuzuarve në rastin “Banjska”.
Blagoje Spasojeviq, Vladimir Toliq dhe Dushan Maksimoviq ishte paraparë të dalin sot para trupit me fillim nga ora 09:30.
Gjykata Themelore në Prishtinë ka njoftuar se arsyeja e shtyerjes së seancës është që Gjykata e Shkupit nuk ka mundësi që të bëjnë lidhjen me video-konferencë pasi pajisjet nuk janë funksionale për dëgjimin e dëshmitarit të paraparë.
“Gjykata Themelore në Prishtinë-Departamenti Special njofton se është anuluar seanca e shqyrtimit gjyqësor në çështjen penale ndaj të akuzuarve B.S, D.M. dhe V.T., pasi përmes emailit zyrtar nga Ministria e Drejtësisë së Republikës së Kosovës është njoftuar se autoritetet e Maqedonisë së Veriut, gjegjësisht Gjykata e Shkupit, ka njoftuar se nuk kanë mundësi që të bëjnë lidhjen me video-konferencë për datën 27 tetor 2025, pasi pajisjet nuk janë funksionale për dëgjimin e dëshmitarit të paraparë”, thuhet në njoftim.
