Leo Messi do të vazhdojë të luajë me Inter Miami, duke hedhur poshtë të gjitha thashethemet për tërheqjen nga futbolli. Ylli argjentinas ka nënshkruar rinovimin e kontratës me klubin amerikan deri në fund të vitit 2027, me opsion për një sezon shtesë, që do t’i mundësojë të luajë në MLS deri 41 vjeç, si Cristiano Ronaldo në Arabinë Saudite.
Që nga mbërritja e tij më 2023, Messi ka ndryshuar fytyrën e ligës amerikane, me kontratë rekord që përfshinte edhe aksione të klubit. Ai do të vazhdojë të mbajë ngjyrat e Inter Miami, duke thyer rekordet ekzistuese.
HE’S HOME. pic.twitter.com/AUMJJYR5pF
— Inter Miami CF (@InterMiamiCF) October 23, 2025
Klubi i Floridas shpërndau një video në rrjetet sociale ku Messi shfaqet në stadiumin që po ndërtohet. Detajet financiare të rinovimit nuk u zbuluan, por më parë ai ishte lojtari më i paguar i MLS me mbi 20 mln € në vit, plus benefite dhe aksione të klubit. Rinovimi lejon që Messi të vendosë vetë çdo vit nëse do të vazhdojë të luajë, duke ecur me dëshirën për ta shijuar futbollin.
Plani afatgjatë përfshin edhe një rol në drejtimin e klubit, me mundësi rikthimi në Barcelonë. Në planin sportiv, 8 herë fituesi i “Topit të Artë” po përgatitet për Botërorin 2026, ku do tentojë të mbrojë titullin e fituar më 2022 me Argjentinën.
The post Messi rinovon (për gjithë jetën) me Inter Miami, në MLS deri 41 vjeç. Ja detajet e kontratës së re appeared first on Telesport.
