Massimiliano Allegri, në prag të ndeshjes së Kupës së Italisë kundër Lecce, ka folur rreth përgatitjeve të Milanit. Trajneri kuqezi nuk do të jetë në stol për shkak të pezullimit: “Kjo është një ndeshje eliminimi, pa kohë shtesë, nuk duam të shkojmë te penalltitë. Fitoret nuk janë kurrë të lehta, duhet të kemi qasjen e duhur.”
Për Nkunku: “Ai ndihet më mirë dhe mund ta nisë titullar. Kjo është mundësi për të parë ata që kanë luajtur më pak dhe kaluar në turin tjetër”. Rreth rikthimit të Leao: “Në këtë ndeshje, absolutisht jo. Do ta vlerësojmë të enjten dhe të premten për ndeshjen ndaj Napolit”.
Për përvojën e tij si trajner nga tribuna: “E përjeton ndryshe kur e shikon ndeshjen nga tribuna. Shpresoj të jetë hera e fundit, sepse nuk mund ta përsëris sërish”.
The post Allegri për rikthimin e Leaos: Absolutisht jo ndaj Lecce, do ta vlerësojmë të premten appeared first on Telesport.
