Hugo Ekitiké po shkëlqen në sezonin e tij të parë me Liverpool-in. Francezi shënoi golin e katërt personal që nga ardhja nga Eintracht Frankfurt, duke vulosur fitoren 2-1 në derbin e Merseyside ndaj Evertonit.
“Reds” mbeten të pamposhtur, me 5 fitore në 5 ndeshje dhe kryesojnë me pikë të plota. Në përfundim të ndeshjes, Ekitiké shprehu emocionet e tij: “E dija sa e rëndësishme ishte kjo ndeshje për tifozët. ‘Anfield’ ishte shumë i zhurmshëm, kam ndjesi krenarie dhe gëzimi. Duhet të vazhdojmë kështu”.
Me 4 gola të shënuar, ai tregon ambicie të qarta: “Dua të shënoj në çdo ndeshje. Ndonjëherë është gol, ndonjëherë asist apo një lëvizje për të krijuar hapësirë. Më e rëndësishmja është skuadra dhe tri pikët. Tifozët janë të jashtëzakonshëm, i dua edhe më të zhurmshëm, prandaj do përpiqem të shënoj gjithmonë për ta”.
The post Ekitiké, 4 gola për Liverpool-in: Dua të shënoj në çdo ndeshje, “Anfield” është shumë i zhurmshëm appeared first on Telesport.
