Tifozi që “nxori nga shinat” Simeonen nuk e ndal provokimin, shkruan mesazhin surreal

Tifozi që provokoi dhe “nxori nga shinat” Diego Simeonen në “Anfield” ka vendosur “t’i hedhë benzinë zjarrit”, pas ngjarjes së bujshme në Champions. Pasi Van Dijk shënoi golin e fitores 3-2 për Liverpool, në minutën e 92-të, Simeone shpërtheu ndaj një tifozi që e ofendoi dhe i tregoi gishtin e mesit, duke përfunduar i bllokuar nga stjuardët dhe i përjashtuar me të kuq nga arbitri.

Jonny Poulter, tifozi në fjalë, nuk ka kërkuar ndjesë. Përkundrazi, në mes të natës ka postuar në “X” videon e reagimit të Simeones, duke shkruar me ironi: “A më takon asisti?” Postimi u bë tejet “viral” në rrjetet sociale. Shumë tifozë të Liverpool-it e quajtën “legjendë”, ndërsa ata të Atleticos e dënuan si sjellje antisportive dhe të turpshme.

Episodi ka ndezur polemika të mëdha, duke e shndërruar incidentin mes Simeones dhe tifozit në një nga momentet më të komentuara të natës europiane.

The post Tifozi që “nxori nga shinat” Simeonen nuk e ndal provokimin, shkruan mesazhin surreal appeared first on Telesport.