Kylian Mbappé bëhet imazhi i një revolucioni të ri teknologjik, i syzeve inteligjente “Oakley Meta HSTN”. Me dizajn sportiv, inteligjencë artificiale dhe performancë të lartë, ato synojnë të ndryshojnë të ardhmen e sportit. Modeli i kufizuar me xham polarizues 24K PRIZM, që mbart vetë futbollisti, tashmë mund të porositet për 549 euro.
Syzet jo vetëm që mbrojnë shikimin, por edhe luajnë muzikë falë altoparlantëve të integruar në pjesën e poshtme të shufrave anësore, duke kombinuar argëtimin me rritjen e perceptimit vizual. “Oakley Meta HSTN” me kamera të integruar ofrojnë regjistrim video ultra HD (3K) pa përdorur duart, duke kapur këndin e shikimit të përdoruesit gjatë stërvitjes, lojës apo eksplorimit.
Me certifikim IPX4, syzet janë rezistente ndaj ujit dhe djersës, duke garantuar performancë edhe në kushte ekstreme. “Autonomia” arrin deri në 8 orë përdorim të vazhdueshëm dhe 19 orë në pritje, ndërsa kutia ofron 48 orë karikim shtesë. Një risi praktike, sepse në vetëm 20 minuta karikim arrin 50% të baterisë.
The post Syzet e së ardhmes janë këto; teknologjia “Oakley-Meta” mahnit edhe Mbappé appeared first on Telesport.
