Real Madrid ka një strategji të re për të trembur kundërshtarët (Video)

Real Madridi debutoi në edicionin e ri të Champions League duke marrë një fitore të vuajtur kundër Marseille.

Los Blancos po provojnë gjithçka, brenda dhe jashtë fushës, duke filluar nga frikësimi i kundërshtarëve të tyre sapo zbresin nga autobusët: nuk ka kaluar pa u vënë re strategjia e re e spanjollëve, që kanë shfaqur kopje të të gjithë trofeve të tyre në Champions në një vend vërtet unik.

Ndryshimi u kap nga fotografët para ndeshjes kundër Marseille dhe i la të gjithë të mahnitur. Klubi ka vendosur të gjitha 15 kupat e fituara gjatë historisë së tij, të shfaqura me kujdes në korridorin nëpër të cilin kalojnë të gjithë lojtarët për të hyrë në stadium.

Është një lloj “hileje” psikologjike për të frikësuar rivalët, të cilët përshëndeten nga historia e Real Madridit, një kujtesë që shërben për t’i bërë lojtarët t’u dridhen gjunjët para se të dalin në fushë.

Los Blancos e bëjnë të qartë se janë mbretërit e Europës duke shfaqur të gjithë koleksionin e tyre prestigjioz, një truk për të trembur kundërshtarët e tyre, por edhe për t’i kujtuar ekipit të gjitha sukseset që kanë arritur gjatë gjithë historisë së tyre.

The post Real Madrid ka një strategji të re për të trembur kundërshtarët (Video) appeared first on Telesport.