Mesfushori i Crystal Palace, Adam Wharton, i konsideruar si “Andrea Pirlo i ri”, ka zgjuar interesin e shumë klubeve të mëdha. Sipas të gjitha gjasave verën e ardhshme pritet largimi nga Crystal Palace, për të bërë hapin gjigant në karrierë duke u transferuar te një nga klubet e mëdha.
Lista e klubeve që duan mesfushorin e ri anglez është e gjatë, duke filluar me Man. United, Chelsea-n apo dhe Real Madrid. Xabi Alonso e pëlqen shumë Wharton, pasi e sheh atë si një lojtar ideal për të forcuar mesfushën. “Football Inisder” raporton se dëshira e lojtarit është të transferohet te Liverpool.
Mesfushori ka shprehur gatishmërinë e tij për t’u bashkuar me ekipin e drejtuar nga Arne Slot. Crystal Palace kërkon mbi 70 milionë euro për ta lënë të lirë mesfushorin 21-vjeçar. ëharton me shumë mundësi do jetë një nga protagonistët kryesorë të merkatos së verës së ardhshme.
The post “Andrea Pirlo i ri” refuzon Realin, Chelsea-n dhe Man. United! Do vetëm Liverpool-in appeared first on Telesport.
