Asociacioni i Gazetarëve të Kosovës ka reaguar pasi mbrojtja e afërt e Presidentes Vjosa Osmani ka ndaluar kameramanin e “Paparacit”, Jetmir Mujin, teksa ky i fundit po xhironte në një shkollë private, ku Osmani i çon dy vajzat e saj.
“Mbrojtja e afërt e Presidentes Osmani ka ndaluar arbitrarisht fizikisht Mujin, i cili po xhironte në një shkollë prívate ku e para e shtetit dërgon dy vajzat e saj. Ai është mbajtur jashtëligjshëm nga pjesëtarët e mbrojtjes së afërt për disa minuta, i është konfiskuar kamera dhe i është kërkuar që të fshihet xhirimi”, thuhet në reagimin e AGK-së.
AGK konsideron se është e drejtë të raportohet se ku i shkollojnë krerët e shtetit fëmijët dhe kanë kërkuar nga Presidentja Osmani dhe Policia e Kosovës të reagojnë për veprimin e mbrojtjes së Osmanit dhe aktin e ndalimit të kameramanit Muji.
