“Jam shumë krenar që i bashkohem një klubi prestigjioz si Marseille”.
Këto kanë qenë fjalët e para të Benjamin Pavard, të thëna për gazetarët pas mbërritjes së tij në Marseille, gati për të filluar aventurën e tij të re nën drejtimin e Roberto De Zerbi.
Mbrojtësi francez, i cili u largua nga Inter gjatë merkatos së verës, u prit nga disa dhjetëra tifozë të Marseille.
Ai deklaroi: “Pres me padurim të debutoj në Velodrome të premten dhe të ndiej gjithë këtë entuziazëm. Shpresoj të përjetoj emocione të mëdha me Marseille”.
“Po, kisha vetëm Olympique Marseille në mendje. Patëm një bisedë të shkëlqyer me Medhi (drejtori sportiv Benatia), i cili po bën një punë të shkëlqyer. Kemi një grup cilësor këtu dhe shpresoj se mund të arrijmë gjëra të mëdha së bashku”.
Aventura e Pavardit tek Inter-i përfundon kështu pas dy sezonesh dhe një arratisjeje të çmendur nga Mynihu.
Mbrojtësi francez është transferuar në Ligue 1 në formë huazimi për 2.5 milionë euro me mundësi blerjeje.
15 milionë euro të tjera mund të vijnë brenda një viti, por vetëm nëse Marseille vendos të ushtrojë mundësinë e blerjes së tij të plotë.
The post “Doja vetëm një gjë”, Pavard harron Inter-in: Kam gjetur një grup cilësor appeared first on Telesport.
